關智斌（Kenny）見到好友阿Sa蔡卓妍行入人生新階段，再婚成為人妻，打從心底裏戥阿Sa開心：「我哋識咗廿幾年，一齊經歷過咁多高高低低，睇住大家成長，而家見到佢搵到一個可以令佢開懷大笑、俾到安全感佢嘅人，我真係好感觸、好感動。我會將最好嘅祝福全部送晒俾佢，希望佢哋一直幸福落去。」
阿Sa雖然喺娛樂圈打滾25年，之不過佢公開嘅感情史並唔多，於2004年與鄭中基相戀，二人於洛杉磯秘密註冊結婚，2010年3月公開承認已婚兼同時宣布離婚，召開記者會時強調分開並無關第三者。阿Sa其後於2010年10月公開與陳偉霆戀情，因壓力及聚少離多，於2015年9月和平結束關係。
阿Sa曾與百億麻將館太子爺石恆聰（Anthony）於2017年至2023年間傳出戀情，後嚟低調分手，阿Sa由去年被影到與健身教練Elvis出雙入對，今年1月公開認愛，二人感情突飛猛進，火速同居，阿Sa今日公開曬婚紗照。
