《正義女神》進入結局周，言官(佘詩曼飾)嘅繼女天雪被設局迷姦，繼而捲入兇殺案，成為殺害高景翔(馮皓揚飾)嘅疑犯，言官為咗保護阿女，決定辭去法官一職，親自為天雪辯護，言官同高淑樺(陳煒飾)之間亦將迎來正面交鋒。
煒哥喺IG以高大狀嘅口吻寫到「天雪在 livehouse 涉嫌謀殺張景翔，言官辭去法官職務，為天雪辯護，DOJ請我做外聘檢控官，今次平起平坐，言惠知，我唔會再咁容易輸俾你」，預告二人之間展開激烈嘅法庭戲。 而全劇嘅關鍵人物惡魔少年高成彬(劉倬昕飾)因為習慣收集受害人嘅聲紋，令案情出現轉機。
劉倬昕亦喺社交平台公開製作聲紋紋身嘅過程，究竟呢個特別嘅紋身會唔會成為最後嘅破案關鍵？高成彬會唔會伏法？正義到底會如何彰顯？大家就要留意今個星期大結局嘅《正義女神》。《正義女神》星期一至五晚 20:30 翡翠台
