台灣歌手張清芳號召圈中好友齊齊響應慈善演唱會，為醫院嘅長者照護中心籌款，仲邀請到最熱衷公益活動嘅張艾嘉擔任演唱會引言人，張姐一開場就代表演唱會主辦方感謝大家慷慨解囊。
張清芳請來多位圈中好友助陣，包括林心如、楊謹華、Ella陳嘉樺等，好少公開獻唱嘅心如同謹華為咗公益活動大開金口，除咗合唱《天天年輕》，仲喺台上跳舞，真係非常少見。
而另一位嘉賓林熙蕾就話自己冇勇氣唱歌，但依然來支持好友。幾位喺台上講笑，話距離需要被照護嘅年紀已經不遠，而為咗呼應長者照護呢個主題，五位仲大方公開AI合成嘅80歲相，相中幾位美魔女依然好有個人風格，果然靚女就算到80歲都係靚女。
