一個電台日前舉行頒獎典禮，出席嘅歌手有衛蘭、陳柏宇、曾比特、泳兒、雲浩影、湯令山、洪嘉豪等，而李幸倪、馮允謙、林家謙同缺席嘅MC 張天賦，一齊成為四獎大赢家。Gin Lee三度蟬聯「最優秀流行女歌手大獎」兼首度攞到「最佳唱片獎」，佢都有啲喜出望外。
黃博首次參與咁大型樂壇頒獎禮，呢晚就獲得「最有前途新人獎優異獎」，佢都急不及待想同粉絲及老公一齊慶祝，黃博話佢好希望以後將更多好嘅音樂帶畀歌迷，令大家對黃博有更深嘅了解。
而最有前途新人獎金獎，就落喺舊年先出道嘅陳康堤手上，唔知係咪太開心，康堤更首度公開承認同網球一哥黃澤林熱戀中，佢透露男友係由爸爸陳奕迅介紹，所以爸爸都好放心啊。
吳業坤呢晚就攞到「十大中文金曲獎」，啱啱過咗生日嘅坤哥，喺音樂發展上有一個新開始，初嚐做獨立歌手，坤哥雖然而家可以做到自己喜歡嘅音樂，但係喺開支上的確唔少數目。
