前港姐蔡嘉欣2023年同拍拖7年嘅富貴男友結婚，喺今年2月佢宣布有喜，而家懷孕33周嘅嘉欣，趁住卸貨前好好享受一下，日前佢就陀住巨肚，去咗深圳慶祝31歲生日。
嘉欣喺社交平台帖文分享自己嘅靚相，著住背心裙嘅佢喺唔同靚景前留倩影，唔講真係以為佢影緊寫真呀。而其中嘉欣企喺海邊網床上，以手於肚上擺出心心形狀嘅相，更莫名有愛，嘉欣於帖文中表示：「31歲的最後一天，今年生日很特別，因為有你在肚子裡。」
雖然嘉欣個肚已經籮咁大，但係佢依然活動自如，仲成日周圍走，唔少網民都留言大讚嘉欣呢輯相影得好靚，「美美孕婦，陀BB靚咗好多」、「又真係值得買晒啲相喎」，但亦有眼利嘅網民發現嘉欣隻腳開始水腫，留言叫佢要好好休息。
