舞蹈員李啟言（Mo）喺2022年一個演唱會上，因墮屏意外受重傷，目前仍在接受治療。多年嚟Mo爸李盛林牧師一直勞心勞力，陪伴愛子走上呢段漫長嘅康復路。
不過4月25日突然驚傳李牧師離世消息，失去至親嘅阿Mo，隨後亦將社交帳號嘅頭像，更換成兒時與爸爸嘅合照以作悼念。
沉默多日嘅阿Mo，於28號再於限時動態發文，澄清爸爸離世後，他與家人均未有透過任何機構作出募捐行動，呼籲大眾提防受騙，佢寫道：「呢幾日見到網上有一啲page有出post埋文章去報道關於我屋企嘅事，感謝關心🙏🏻但係我哋一家人並沒有借住近日嘅呢件事去透過任何機構募捐，所以請各位有心人，如果看到類似的文章夾雜着一些機構的募捐資料，請看清受款人🙏在此多謝各位的關心🫶🏼」。
