何沛珈（Roxanne）近期正式官宣成為《女神配對計劃2》嘅女神之一，加上佢曾經表示唔介意前度報名成為追求者，令大家都好期待佢喺節目中到底可唔可以搵到新嘅白馬王子。
雖然Roxanne喺感情方面未有著落，不過佢絕不寂寞！最近佢就同造型師閨密齊齊去到韓國旅行，仲一齊著上傳統韓國服飾影寫真，似足韓劇女主角。
Roxanne仲喺靚相中加上文字附解，形容關係係「前半生因任性錯過，姐姐最終保護唔到妹妹」，仲話：「今次不是誰保護誰，係互相保護。」佢又感性撰文表示：「如果相遇從來都唔係偶然，成為彼此生命入面重要的人都有原因，請你可以放心做自己，姐姐會保護你。」以及加上「#送給你的第一個旅行」標籤，可見Roxanne對呢段友情嘅重視。
