鄭秀文近日密鑼緊鼓為七月舉行嘅啟德主場館演唱會作準備，將會首次踏上新舞台，Sammi事前投入百二分精神綵排同籌備，務求跟大家一齊留下美好回憶。
由於日前開售反應熱烈，主辦宣傳加開多一場，令Sammi將會喺啟德跟觀眾度過三個晚上。Sammi話：「每次做演唱會，壓力與動力並行。每一場mi都傾盡全力。而今次「啟德」加場，是人生第一次，光是想想，如此大的埸館，可容納的歡呼聲和震撼感，就已經先興奮（感動）。」
Sammi一向着重團隊精神，佢亦為今次個唱作出謝詞「帶著謙卑與感恩，做好自己」，感激團隊所有成員，一個都不能少。Sammi話每次開會細談，不斷解決各式困難，一點一滴聚沙成塔，令目標更清晰，朝着標桿直跑。相信觀眾見到Sammi短短幾句嘅留言，經已急不及待想入場欣賞。
