天王嫂 方媛Moka 不時會喺社交平台分享自己嘅生活日常，日前佢就分享咗帶兩位千金大女郭詠希 (Chantelle) 及二女郭泳萱 (Charlotte)去學騎馬嘅片段。
方媛喺片中表示，可能因為佢哋屋企一直有養馬嘅原因，所以兩個囡囡自細就好鍾意馬，而為咗從小培育愛女們有好嘅體魄同愛好，加上騎馬可以提升專注力與自控力，又可以提升自信、勇敢同責任感，所以佢就帶兩個囡囡去學騎馬。
片中所見，方媛預先為兩個囡囡準備好晒頭盔同防護背心，又親自帶佢哋去馬術學院上堂。細女換好騎馬裝束後，又細心為對方鬢辮，唔少網民都留言讚方媛係好媽媽。兩位小公主騎起馬上嚟亦有板有眼，細女Charlotte都仲有教練幫手牽住隻馬慢行，但大女Chantelle就已經可以獨自騎馬慢跑，睇嚟郭富城兩位千金都相當有天份。
