經典警匪系列電影新作上映，唔止包含多位重量級影星好似 周潤發 梁家輝 同 郭富城、古天樂 等繼續參與演出延續故事，新一集亦以大量新生代演員擔綱演出。故事以1994年香港回歸過度期作為背景，而大家亦似乎要應宣傳要求，搵自己當年嘅童年照片配合宣傳喇。
好似於新一集中特別演出嘅 高海寧 就於社交平台曬出自己嘅童年照，相中佢同媽媽一齊於餐枱前打邊爐，童年高Ling面珠漲卜卜，加埋疑有一個大肚腩非常可愛，不過網友就集體錯重點，因為發現年輕高媽媽非常靚女，十足明星一樣。大家睇到相都大讚，有咁靚嘅媽咪難怪高Ling都係靚女一名喇，兩母女更似足餅印一樣。
其實高Ling自細就同婆婆一齊於南京生活，直至13歲先來港同父母團聚。雖然高Ling演藝事業非常忙碌，不過極孝順嘅佢一有時間就會同父母一齊出遊，又不時返南京探望外婆，把握時間同家人相聚。
