郭可盈同歐陽震華係TVB經典螢幕拍檔，兩人近期因經典劇《談判專家》喺翡翠台深夜時段重播，再次成為觀眾討論嘅焦點，現實生活中嘅郭可盈，同老公林文龍非常恩愛，前日更一齊前往餐廳撐枱腳，慶祝拍拖31周年紀念，浪漫儀式感拉滿！
myTV SUPER《談判專家》夢幻組合
夫妻恩愛係需要雙方主動經營，令生活走得細水長流，郭可盈前日喺社交平台貼出兩公婆出發去餐廳嘅合照，見林文龍嘟嘴輕吻郭可盈臉頰，甜蜜度爆燈，而愛女林天若（Tania）亦悉心打扮同行，郭可盈寫道：「時光如穿梭機般快，31拍拖周年紀念❤️❤️❤️一起繼續開心穿越未來！430💫」一家三口開心抵達餐廳，品嚐日本料理及時令佳餚，同時飽覽維港景色。
郭可盈同林文龍於1995年拍攝TVB劇集《萬里長情》結緣並開始交往，經過9年愛情長跑，2004年結為夫妻，婚後育有一名女兒Tania，兩人已結婚超過廿年，經常一家三口環遊世界，開心享受家庭樂，郭可盈同林文龍被譽為圈中模範夫妻。
myTV SUPER《萬里長情》定情
