中聲歌手 劉威煌 甘永傑 同 梁浩賢 三人組限定男團到廣州演出，佢哋設定主題為「浪談老事」，獻唱多首時代曲送俾觀眾，今次雖然係佢哋首度合作踏上舞台，不過無論係揀歌定形象上都充滿默契，更開心嘅係觀眾反應熱烈全場爆滿。
三位特別選唱咗貼近2000年代嘅歌曲，好似《死性不改》、《命硬》、《我們都是這樣失戀的》等嘅廣東歌，唱到快歌環節時，台下所有觀眾都揮動應援捧起舞，氣氛火熱。
威煌話佢哋唔係去榕樹頭念舊，亦都唔好成日話懷舊，佢哋都係與時並進，因為現時Cantopop都係一個熱潮，想透過演出帶動多啲年輕人鍾意聽歌。而浩賢喺2000年代成長，佢覺得當時所有人和事都好精彩，包括好多好歌陪伴，所以好多人都聽過呢啲歌曲。而甘永傑就希望組合可以延續到唔同地方同粉絲見面。