黃妍開騷前病倒無礙演出狀態 自彈自唱騷音樂才華粉絲投入起舞

黃妍 舉行小型音樂會與歌迷近距離接觸互動，雖然開騷前一星期，Cath不幸病倒，幸好無影響佢嘅狀態，呢晚演出時仍然充滿力量，獻唱多首歌曲之餘，佢仲以結他自彈自唱騷音樂才華，演出盡興，台下嘅歌迷紛紛跟住起動，投入氣氛。

黃妍演出後表示見到歌迷反應咁熱烈好開心，自從去年開始到處一遊Tour，與歌迷到不同地方見面，說好最後一站返回香港，其實過程中自己同歌迷都有所成長，從中獲得好大力量。黃妍屬I型人性格，佢知道好多粉絲都同佢一樣，但呢日演出時望到台下歌迷全部都好陶醉，完全睇唔到佢哋I人嘅性格，覺得粉絲們都係演出嘅一部份，好圓滿。