太極樂隊 嘅40周年音樂會星期六晚於啟德舉行演出，演唱會以經典作《迷途》揭開序幕，而雖然鍵琴手 唐奕聰 年前已離世，不過成員們仍特別安排隔空合唱環節，以此緬懷戰友，場面感人。
整晚最驚喜嘅環節，一定係影后 吳君如 以嘉賓身份出現，身為太極成名作《紅色跑車》MV 女主角嘅佢，以一身豹紋戰衣加魚網襪出場，更笑指螢光幕正播放嘅舊MV係AI生成，佢更幽默自嘲當年拍攝時叼住香煙嘅形象太深入民心，導致後來多次演「舞女」同「諧星」角色。
歌神 許冠傑 亦特別錄影短片同贈送新歌《我願長伴您》予太極，到演唱會尾聲，太極以《留住我吧》同全場歌迷大合唱，。成員們更指「太極」寓意天時地利人和，相約歌迷60周年再聚。