黃翠如 同 洪永城 呢對多年戰友相隔多年後再次重組合作，主持全新旅遊節目《走過歷史大地》，最近佢哋轉往法國巴黎攝。兩人唔止喺社交平台上分享拍攝花絮，工作人員亦流出唔少幽默爆笑現場片段。
兩人於舉世聞名嘅巴黎艾菲爾鐵塔拍攝，一向百厭嘅Tony連搭鐵塔升降機時都要整蠱翠如，搞到佢忍唔住對鏡頭指Tony所講嘅全部都係「廢話」，擰轉頭兩人趁夜幕下又換上一身華麗打扮於鐵塔前打卡留念。
Tony此行亦不忘為家人準備驚喜，行街時為囡囡挑選一張餐墊，而翠如就為乖仔蕭哈哈買咗充滿法式風情嘅水手服同帽，仲話已預大碼數，等囝囝再大個小小都啱著。Tony仲提到特別為工人姐姐挑選雪櫃磁石紀念品。
喺拍攝空檔，翠如也為Tony太太 梁諾妍 謀福利，不斷慫恿Tony到名店為Inez購買心儀手袋。點知Tony就一直以拍攝繁忙等由推三推四，仲叫翠如夾口供話冇時間Shopping，最後要翠如連番轟炸先不情不願出發，非常搞笑。
佢哋同攝製隊日以繼夜橫跨唔同地方拍攝，Tony亦特地萬歲請大家品嚐雪糕。仲見到佢想搶翠如手機去俾錢，之後大家一齊開心享受雪糕，現場氣氛十分融洽。