選秀節目《魔音女團》將於5月4號起，逢星期一至五晚十點半喺翡翠台播出，一眾練習生喺節目播出前夕出席活動，即場大跳主題曲《Lucky Star》舞蹈，而兩位班主任 陳潔靈 同 陳奐仁Hanjin ，助教 冼靖峰Archie 、 黃洛妍 、 文佐匡 ，韓國偶像學院社長同排舞師等，呢日亦齊齊到場見證練習生們嘅進步。
三位港姐冠軍 宋宛穎 莊子璇 同 倪樂琳 呢個SHE組合，就話要特別感謝Hanjin嘅魔鬼訓練，宋宛穎話由Hanjin係佢哋嘅人生導師，由減肥到心理輔導，再到唱歌技巧同跳舞，簡直係萬能導師。莊子璇就話喺Hanjin學到錄音技巧，而倪樂琳則指無論係演藝上定人生上，Hanjin都教識咗佢好多嘢。
被受推崇嘅Hanjin，訪問時就自爆有為練習生而生氣，呢位練習生就係倪嘉雯，Hanjin爆對方講大話，本身承諾會減肥，但過咗關後就放縱食即食麵呀。
現場頒發三個獎項，包括「最佳喊包獎」得主 王汛文、「最佳調皮獎」得主 鄧凱文 、「最佳放空獎」得主 俞可程，俞可程事後就對Miss Chan Chan撒嬌，問對方自己得獎係咪代表佢唔專心上堂，點知Miss Chan Chan就話自己冇留意，因為佢比俞可程更放空，仲話唔知自己點樣淆過嚟呀！而奪得「最佳跳皮獎」嘅鄧凱文就被指實至名歸，但原來佢話自己本身係想走女神風格，但因為忘記咗現場有好多隱蔽鏡頭，令佢走歪咗呀。
選秀節目如果有衝突當然會增加觀看性，但穎喬就話可惜佢哋完全冇不和，但佢就話唔鬧交節目都可以好好睇。刑慧敏就指因為首輪賽制就係要佢嘅好團結，所以大家做好自己外，都會互相幫助，令大家感情好好呀。
《魔音女團》星期一至五晚 22:30 翡翠台