唱片公司嘅25周年家族演唱會一連兩晚於啟德舉行，蔡卓妍 再婚後首次公開現身，同阿嬌以及 關智斌 率領逾百位舞蹈員打頭陣演出，令現場氣氛即時升溫。而 陳偉霆 亦返港參與，仲同師妹女團VIVA一齊勁歌熱舞，William仲特別多謝 容祖兒 安排，令自己有機會踏上紅館演出。
張敬軒 早前發生風波之後，呢晚亦首次數現身舞台演出，亦同大堆頭Dancers同樂隊一齊高水平獻唱，不過完騷後佢就因不適而緊急入院，事後被確診急性內耳迷路炎，將缺席第二場演出。
古巨基 同樣身體抱恙，聲帶發炎嘅佢堅持上陣，為歌迷獻唱多首耳熟能詳歌曲。而自嘲已係耆英級歌手嘅 李克勤 當然亦有現身， 陳慧嫻 就同4位後輩小鮮肉一齊獻唱《跳舞街》，而Joey就壓軸登場，更以女王之姿登上舞台，佢仲話自己入行27年非常感謝當年獲賜予機會改變整個人生。
