今年入行20週年嘅 陳柏宇 早前公布再一次登上紅館舉物兩場個唱，公開發售當日反應極之熱烈，門票瞬間售罄，主辦單位為滿足歌迷宣布加開7月20日一場，當日更係「陳伯」牛一，生日場門票周四早上10點就會公開發售 Jason兩場演唱會門票，於發售當日火速售罄，知道消息嘅Jason非常興奮，不過唔少歌迷因為搶飛落空而於網上敲碗要求加場，所以Jason特別與主辦單位溝通。最後決定喺7月20號自己生日當日加開一場，今次仲係Jason首次於紅館同樂迷共渡生日。
Jason指暫時仍未知道生日當日安排：「而家呢一刻其實未諗有啲乜嘢特別環節準備俾觀眾，因為之前都唔知會唔會係生日當日會開show，但我估到時大家應該會一齊切下蛋糕，唱下生日歌？」
今年亦係佢入行20周年，雙重意義之下自然有雙重驚喜，不過佢就話當日自有分曉，但可以肯定屆時將唱盡每一首經典作品。一向係Family Man嘅佢又話，今年於紅館過生日：「到時囡囡Abi、Audrey，媽媽（太太Leanne），我媽媽，囡囡嘅婆婆同太婆都應該會一齊嚟睇，到時就可以喺會場慶祝埋生日啦！」
