由 劉穎鏇 領軍嘅明星籃球隊現身廣州，同由多路籃球高手組成嘅球星隊對戰，整場賽事打得非常緊湊，最終明星隊以些微分數落敗。隊中嘅 張振朗 獲得「最佳人氣球員」，而全場射入25分嘅Tiffany就成為MVP。Tiffany大讚隊友們好熱血，亦盡心盡力打好呢場波，加上對手真係唔簡單，所以佢覺得大家已經打得好好。
Tiffany喺球場上表現精湛，佢所防守嘅仲要係前CBA球員，佢都話可以同咁專業嘅球員對壘係好難得嘅機會，所以兩隊分數咁接近已經係好開心。戴祖儀就話，Tiff本身係預計自己淨係可以入十球，但最後超越目標入到二十球，而Joey俾自己嘅目標係掂到個波，所以都成功做到。
何廣沛獲得「最佳防守球員」，而賽前佢講到得籃板得天下，果然係場上不負眾望。Matthew就話，自己拎到十球籃板已經好成功，而且對方個個都係一米九身高，自己都盡力去做，亦希望繼續打落去。振朗就話，大家表現超符水準，令佢諗起以前睇熱血漫畫嘅場面。
譚俊彥自此上半場表現得唔好，不過佢想用身教表示俾囝囝睇「凡事唔好放棄」，所以努力打完全場。譚俊彥嘅囝囝就話，知道爸爸要對陣嘅對手個個都好勁，所以爸爸同一班哥哥姐姐可以拎到咁多分已經好厲害。