日前剛完成40周年演唱會嘅 太極樂隊 ，7號晚突然喺社交平台發文悼念8、90年代嘅著名填詞人 因葵 ，證實對方離世消息。
太極樂隊於專頁中寫道：「收到消息後，我哋每一個心裏面真係好難受。咁多年嚟，你唔單止係我哋太極最重要嘅作詞人，更加係同我哋一齊成長、一齊癲嘅好兄弟。你用文字賦予咗我哋音樂靈魂，多謝你為我哋寫咗咁多經典，你先走一步，我哋會繼續唱落去，將你嘅才華永遠留喺舞台上面。兄弟，一路好走。喺天堂同Gary Tong 夾住band先，我哋喺下面繼續聽你哋嘅音樂。永遠懷念你。」
因葵除咗係太極樂隊嘅御用填詞人外，亦填寫過不少好歌，當中包括太極樂隊嘅《紅色跑車》、《Crystal》、《每一句說話》，張學友《只願一生愛一人》、張衞健《西遊記》、鄭秀文《插曲》、謝霆鋒《改造人》、鄭少秋《香港料理》、張敬軒《孤單公園》、黃伊汶《戒男》等。
