一年一度母親節即將嚟到！處境劇《愛・回家之開心速遞》嘅一眾演員呢日齊齊炮製DIY壽司提早過節，溫馨又熱鬧。
全城關注嘅 李家鼎 同大孖 李泳漢 嘅父子矛盾再度升級，鼎爺近日仲公開錄音，指大孖將自己當成人肉提款機，令外界紛紛譁然。至於《愛・回家》嘅演員都對細孖李泳豪關心有加，豪仔近日喺社交平台分享復工心情，仲多謝 呂慧儀 請佢飲咖啡添！
阿蟹話：「豪仔都好多謝大家嘅支持，我覺得佢係好成熟，工作時工作，又冇特別講其他嘢。」阿滕 Joyce Tang 滕麗名 就話覺得豪仔好正面，仲約咗佢一齊跑步。而丹爺劉丹 同 豹哥單立文 就透過鏡頭問候鼎爺，話因為見到佢好瘦，希望佢好好保重身體，唔好理咁多是非，顧好自己最緊要。
講到母親節，作為媽咪嘅阿蟹同 湯盈盈 都有唔同嘅期待，阿蟹話阿仔年年都會有驚喜，仲要越嚟越進步，盈盈就被大家踢爆成日抱怨老公唔送花。至於阿滕就大讚哎呀阿仔周嘉洛好有心，年年母親節都一定有表示。
