CY陳宗澤 張蔓莎 陳苡蓁 日前現身一個露天音樂會，活動當日天氣麻麻，三位亦要喺天雨下獻唱，但無阻佢哋嘅演出，粉絲亦無懼風雨熱情支持。不過喺活動上，最令大家驚喜嘅就係 古天樂 驚喜現身宣傳新歌！雖然古仔冇獻唱，不過對粉絲就有求必應，落台同大家簽名互動，古仔仲話有機會都想同三位合作。
CY事後指，如果可以同古仔合作，真係一塊人生里程碑；Sabrina就唔只想喺音樂上，仲想喺戲劇方面同古仔合作。佢仲話私底下都有收過古仔嘅鼓勵，即使只係讚一句都會令佢好開心。CY形容古仔待人親切，曾經亦被古仔讚過，當時心情真係受寵若驚！
而Jessica就好期待同側田合作，因為自己由細到大都聽側田嘅歌，好欣賞對方把聲，如果有機會真係好想有一次合作機會。
