林心如 日前現身一個品牌活動，心如而家既係演員亦係「金牌製作人」，所以事業真係忙到不停。呢日喺活動佢亦同大家分享新劇進度，Ruby表示呢次自己唔只係製作人，仲會親自出演。
而新劇題材同原生家庭有關，不過就唔係行溫馨路線。佢仲透露劇集會喺9月開拍，自己都係收到最後3集劇本冇耐。至於會唔會搵老公 霍建華 客串演一角時，佢就笑言：「目前沒有看到需要，需要的話我還是會提出這個請求的。」母親節又到，心如就話按往年傳統，一般都係兩家人一齊聚會。當聽到有人問，老公會唔會擁抱再講聲：「老婆辛苦了」時，心如就即刻話：「我們不會這樣子，父親節我也不會抱著他說，老公辛苦了。」而佢反而更期待囡囡畫嘅母親節賀卡。
心如早前同楊謹華、陳嘉樺現身張清芳嘅慈善Show，更大開金口獻唱。呢日講起做嘉賓嘅感受，佢都笑言自己入咗唱跳陷阱。因為最初佢係冇預過要跳舞，但團練嘅時候，Ella就話要跳舞。雖然心如自認唔識跳舞，但佢都玩得好開心，亦覺得呢個騷好有意義。
