關曜儁 早前宣布太太楊韻璇(Twinkle)懷有第三胎，眨吓眼，「關三弟」喺母親節前夕出世，趕及同家姐、哥哥一齊為媽咪慶祝母親節。Leo分享關三弟嘅可愛相片，仲有同太太及細仔嘅第一張合照，Leo太太分娩後仍然精神飽滿，展露幸福笑容。
陪太太入產房嘅Leo話：「唔知點解第三次比頭兩次更加緊張，見到佢每次臨生前陣痛嗰種痛苦，我哋形容係驅魔人。喺身邊陪住佢嘅我，個心真係會有痛嘅感覺，雖然今次唔覺意俾佢打咗拳，從嗰一拳我就知道佢真係好痛。」
Leo太讚太太真Twinkle好勇敢，成個過程都冇話唔再生，好用心聽住姑娘嘅指示，好快就將三弟「屙咗出嚟」。Leo話：「當佢一鬆一口氣嘅時候，佢同我講，唔該你紮咗佢。」Leo感恩三個小朋友出世都順利平安，一切都好順暢、好順利。果然一齊保持嘅心態，真係會遇到好嘅過程。
