陳曉華Hera 同 袁偉豪Ben 呢日一齊拍攝《警聲百二秒》，二人鏡頭外有傾有講，但一Roll機佢哋就即刻投入角色，Hera指自己之前拍呢個節目時，獻出首次着女僕衫，而今次就可以同阿Ben一齊型住上。
兩人對上一次合作已經係《廉政行動2022》，袁偉豪指由於Hera工作好忙，間中會喺公司撞到，而Hera就指曾經同對方去馬來西亞工作，對佢嚟講印象深刻，因為係自己首次去馬來西亞。
日前Ben同太太 張寶兒Bowie 為媽咪慶祝生日，佢哋仲特製咗一個復古嘅金龍蛋糕，網民見一啲相，就讚71歲嘅袁媽媽凍齡有術，Ben就話因為媽咪想搞個生日party開心下，所以佢就同Bowie就為媽媽統籌咗呢個party，而呢個生日蛋糕就係由朋友設計，Ben話作為子女可以同到媽媽慶祝生日係件幸福事，佢亦希望十年後要為媽媽搞多個生日派對呀。