進入激烈比賽階段嘅《魔音女團》16名練習生，呢日趁母親節再一次喺見面會公開現身，而主持 蕭正楠 因為 黃翠如 出埠廿幾日拍新節目，就搞到變成「望妻石」，點知翠如就驚喜提早一日返港送驚喜，搞到阿蕭開心到面都紅晒即刻攬實老婆，而翠如見到分別幾個星期嘅蕭哈哈，仲流晒眼淚非常感觸呀。
呢日 鄧凱文 王迅文 仲有 莊子璇 陳熙蕊 同 蔡華英 嘅媽咪同嫲嫲亦都親身到場支持寶貝，佢哋仲即時分組展現練習成果又唱又跳。大家仲話今次同上一次見面會比較已經輕鬆得多呀。穎喬喺上星期五播出一集，因為帶病上陣而受批評，呢日佢就提到自認有不足同表現唔夠穩定呀。
而 邢慧敏 同 俞可程 演出時輕鬆踢腿表現唔錯，佢哋就認為選曲同加入呢組非常合適咁話呀。
《魔音女團》星期一至五晚 22:30 翡翠台