羅子溢最近正投入TVB新劇《警是個大佬》嘅拍攝，子溢呢次喺劇中要分飾兩角，真係少啲演技都唔得。近日唔少人喺街頭偶遇子溢開工，子溢向來有「婦女殺手」呢個花名，並非浪得虛名，見佢被唔少女士集郵，大家都讚佢非常親切！
其中有一位偶遇子溢嘅網民就話子溢真人非常大隻，強調佢嘅肌肉「好大塊」，而且合照時子溢非常有風度主動揸機，態度友善親切。從相中可見子溢身穿白T、黑色長褲，雖然打扮簡單但難掩壯碩身材，胸肌更若隱若現。另一位偶遇子溢嘅遊客就話自己同仔仔返酒店嘅路上遇到子溢，佢同仔仔合照時好有禮貌，仲話子溢態度專業，等埋位拍攝時一直背台詞，絕不馬虎。
呢啲偶遇分享引出其他遇過子溢嘅網民主動留言，力證佢「靚仔又敬業」，又讚子溢「好有男人味」、「楊茜堯好有眼光」、「港星真的很不一樣」。
