劉嘉玲、梁朝偉呢對恩愛夫妻近年有影皆雙，好似孖公仔咁一齊行動，早前嘉玲樂做「跟得夫人」陪偉仔到處飛，到訪韓國、上海、台灣等地方宣傳新戲。
熱愛玩社交平台嘅嘉玲不時分享佢同偉仔嘅點滴，最近嘉玲Post出自拍靚相同南法嘅風景影片，仲話：「聽說南方的風比較慢，原來是真的。」而最吸Like嘅，就係嘉玲最新分享嘅一段偉仔執雞蛋嘅片。
雖然影片只有短短20秒，但可以從片中可見，偉仔執雞蛋執得非常認真自在，令嘉玲喺配文：「簡單原始快樂 #慢生活 #簡單的快樂 # #撿雞蛋的一天」，夫妻倆好享受呢種簡單而平靜嘅生活方式。
嘉玲呢段片更吸引唔少網民留言，有人大讚偉仔「為甚麼撿雞蛋也可以有滿腹內心戲的感覺」、「怎麼撿個雞蛋感覺也要得金馬獎」、「連撿雞蛋都這麼深情」，亦有人話「以為條片係AI，結果一睇係劉嘉玲Post嘅」，對於喺社交平台可以睇到偉仔生活片，影迷都表示難以置信嘅驚喜。
