日本新生代神秘創作歌手 tuki.，自2023年以單曲《晚餐歌（Bansanka）》出道後即迅速爆紅，橫掃各大音樂排行榜。
tuki.近日首度來港，剛過去嘅周末於亞洲國際博覽館舉行《tuki. 1st ASIA TOUR 》演唱會香港站，一連兩晚演出共吸引近8000名歌迷入場，唔少Fans開騷前mk3爭相與場外海報牆合照，同購買周邊商品。 今次係tuki.首次於香港舉行個唱，樂迷期待已久，年僅17歲嘅佢憑極具穿透力嘅嗓音同超凡歌藝令歡呼聲此起彼落，歌迷全程沉浸於tuki.嘅音樂世界中。
tuki.以鋼琴自彈自唱《一輪花（Ichirinka）》揭開序幕，之後更以廣東話「大家好！」向全場觀眾問好，引發全場熱烈掌聲。整場演出tuki.先後獻唱《地獄恋文（Inferno Love Letter）》、《星街の駅で（At Hoshimachi Station）》、《騙シ愛（Damashiai）》等多首人氣歌曲，歌迷跟住節拍又唱又拍手，全場氣氛極佳。
演出期間tuki.又多次與台下觀眾互動，坦言非常期待呢次來港，更分享開演前與工作人員飲茶食點心、購買香港薯片嘅趣事，更買咗一把印有「八方來財」同「發」字嘅傳統葵扇，仲到訪尖東海旁同麥兜合照，展現佢開朗可愛一面。
tuki.呢次演出亦獻唱多首動漫同影集主題曲，好似上月先發行嘅最新單曲《零 -zero-》、《最低界隈（Saitei Kaiwai）》、《SOS》、《人生讃歌（Song of Life）》等。演唱會接近尾聲時，tuki.終於唱出成名作《晚餐歌（Bansanka）》同《愛の賞味期限（Love Expiration Date）》，佢感性指：「我將最重要的時間交給大家，同樣地，我也感謝大家把重要的時刻交給我，希望一起分享這個特別的時光。」1佢更親自將這段話翻譯成廣東話，更強調：「比起單純的觀眾關係，我更覺得我們是生活在同一片天空下、共同努力著的同伴呢！」令歌迷非常感動。
Encore時tuki.重返舞台獻唱最後一首作品《純恋愛のインゴット（Pure Love Ingot）》，仲同全場觀眾大合照留念。佢亦衷心感謝香港粉絲對自己嘅支持，期待下次再次來港同大家見面。
演唱會攝影：Genta Tsukamoto