謝霆鋒、張柏芝雖然已經離婚近15年，不過雙方一舉一動一直都係外界焦點。近日霆鋒喺社交平台分享一段探店Vlog，不過當中就有一段神秘女聲，被指神似柏芝而引發瘋狂熱議，「謝霆鋒張柏芝疑似一齊吃飯」呢個嘅話題衝上內地平台熱搜。
霆鋒喺片中同大家分享，佢喺香港食過最好食嘅牛扒，打扮休閒嘅佢同朋友有講有笑，不過喺介紹到甜品時，有一把沙啞女聲出現，雖然只係短短幾秒，但就有唔少人都認為係柏芝嘅聲音，不過亦有人認為只係聲有相似。
其實普遍網民都覺得，即使霆鋒、柏芝「世紀合體」都冇咩值得驚訝，因為兩人育有嘅兩個仔Lucas同Quintus一直都係跟媽媽生活，而霆鋒同一對仔仔關係並唔差，二人即使分開仍然做好父母角色，會見面都一定係同育兒有關，仲有人話片中另一把聲係Lucas，認為係霆鋒、柏芝一家四口聚餐。
