啱啱完成世界巡唱杭州站嘅 楊千嬅 ，日前又展開上海8小時嘅快閃行，千嬅喺社交平台分享咗多張照片，記錄佢喺上海嘅小碎片，呢幾個鐘千嬅先去咗食最愛嘅陽春麵，又去咗飲手搖飲品，佢仲把握時間去咗做頭髮護理同做正骨推拿，睇嚟呢個行程相當Chill呀。
千嬅仲預告「有新項目，見見老友前輩，認識新朋友，然後唱唱歌，玩音樂，期待再期待，興奮到像小孩睡不著，你猜我做啥？」 唔知千嬅所講嘅新項目，係咪就係去嘉興錄影綜藝節目呢？
有唔少網民影到染咗一頭紫髮嘅千嬅去開工嘅片段，片中所見千嬅著上一身白色西裝，心口繫上一個黑色大蝴蝶結，非常搶眼。之不過千嬅呢身裝束，就惹嚟部份網民熱議，直指套衫唔太合身，仲有人留言話：「楊千嬅就沒有好一點的造型師嗎？」、「經常出來一些雷霆造型，感覺服裝選擇上從來沒考慮過揚長避短」、「胸前那廉價的塑料袋」、「這是港風造型嗎？」、「又是跟厚底鞋鎖死的一天」。
