台灣女星 許瑋甯 啱啱過咗升任媽媽之後嘅首個母親節，老公 邱澤 因為有工作所以冇辦法一齊慶祝，不過瑋甯一啲都唔寂寞，因為佢約咗成班媽媽一齊過節。不過邱澤都好識做，收工返到屋企特登買咗兩束花，代表自己同阿仔嘅心意。
瑋甯同邱澤嘅囝囝依家10個月大，已經識行路，瑋甯話因為阿仔個性好心急，所以好快已經識行路，而且阿仔仲遺傳咗爸爸媽媽嘅明星特質，見人就笑，有時明明身邊其他人都走晒，阿仔都唔識停。
瑋甯同邱澤兩公婆雖然工作好忙，但一有時間就會陪阿仔，享受親子間互動，佢話阿仔依家好鍾意扭抱，不過都係黐媽咪多啲，同埋阿仔好識做，次次叫人都會爸爸媽媽一齊叫，絕對唔會厚此薄彼。
