譚詠麟相隔11年宣佈9月將再次於香港舉行演唱會啦，展開《譚詠麟與您「刻骨銘心」世界巡迴演唱會-終極篇》香港首站。
校長早喺1984年遊就喺紅館舉行首個個人演唱會，至1989年再於紅館舉行連開38場嘅《譚詠麟89浪漫演唱會》，當時更刷新香港歌手於紅館個唱嘅場數最高紀錄，至今仍未被超越。
而佢上一次於紅館開騷，已係2015年嘅《譚詠麟銀河歲月40載》，今年嘅《譚詠麟與您「刻骨銘心」世界巡迴演唱會-終極篇》唔只係演出，更係同歌迷極具歷史意義嘅聚會。
多年來校展演繹過嘅歌曲超過1000首，當中耳熟能詳嘅Hit歌亦超過300多首，出名愛錫歌迷嘅佢為回應歌迷多年期待，製作呢個演唱會時與團隊絞盡腦汁，希望歌單滿足每個歌迷嘅要求，最終決定以「雙主題、雙歌單」模式呈現，將更多金曲同回憶，用最完整嘅音樂同演出答謝大家。
而海報設計方面，亦盛載住校長演藝生涯中最深刻嘅里程碑，加入佢84年紅館首個個唱、以及94年於大球場舉行演唱會嘅元素。海報復刻當年兩個演唱會嘅經典，見證佢輝煌演藝歷史同回憶。
