梁敏巧 呢日以花生團嘅身份，現身《女神配對計劃2》嘅面試現場，為新一輯嘅女神幫幫眼，不過佢本人同Matt之間嘅發展到底去到咩階段就繼續令人非常感興趣喇。日前阿Matt先喺一個場合向Maggie獻上大束紅玫瑰，不過隨後又澄清兩人並非情侶，令人一頭問號。
Maggie呢日就直接解釋，指同Matt之間了解同溝通好一段時間，彼此都係成熟同理智嘅人，亦對未來睇法有明顯分歧，所以就決定維持好友關係喇。佢又話大家依然保持友好同聯絡，亦非常清楚短期內難以發展成為情侶呀。
佢又再澄清指玫瑰非由阿Matt所送，而係另一朋友親自設計嘅作品，Matt只係代表大家送上祝福，自己並無收兵嘅行為呀。
除咗靚花之外，近日又有人發現Maggie使用一個價值高昂嘅名貴手袋，呢日佢就指手袋其實已使用一段時間，更係自己花錢購入嘅心頭好呀。