社畜求生101丨周嘉洛首度參與配音工作 敬佩資深配音組同事功力

周嘉洛 參與TVB首部自製A.I.動畫《社畜求生101》嘅圍讀，嘉洛劇中聲演主角阿星，係自信滿滿嘅臥底之王。面對住一眾資深嘅配音組同事，嘉洛都放膽去試，親耳聽到大家嘅配音功力，嘉洛直認有被震撼到，因為唔少聲音都係自己成長時聽過嘅配音角色，加上大家可以短時間做出唔同效果感覺，令佢相當敬佩。

上myTV SUPER一齊學習社畜求生指南

經過配音組同事悉心指導同分享，嘉洛開始掌握到技巧，幕前演出經驗豐富嘅佢，喺配音方面全屬初哥，以往冇乜配音經驗，加上曾經試過幾次唱歌都出事，令嘉洛甚少利用聲線演出，不過今次係好好機會，令佢重新認識自己把聲同點樣運用聲線。