鄭保瑞新片尖東封路拍攝 吳彥祖新戲粗獷風造型曝光

鄭保瑞 導演呢排為新戲終章開工，呢晚劇組喺尖東一帶封路拍攝，新加盟電影嘅吳彥祖角色造型曝光！

光頭及留鬚造型嘅Daniel睇落相當粗獷，加上全身配以一身窩釘及重金屬飾物，再孭住一個巨型側孭袋，真係型爆尖東。

喺戲中會打到飛起嘅Daniel，呢晚就喺街頭上演一場打鬥戲份。由於天氣悶熱，Daniel唔駛埋位時，工作人員都不時幫佢印汗同補妝，而現場所見，亦有一個同Daniel一樣打扮嘅演員在旁，相信就係Daniel嘅替身呀，而片場亦見出動唔少老爺車以及舊式霓虹燈牌，感覺瞬間穿越返90年代嘅香港呀。