由《屍殺列車》導演延尚昊執導嘅最新喪屍電影《屍殺禁區》，請來全智賢、池昌旭、具教煥、申鉉彬同金信祿等主演。呢個導演率領一眾演員出席試映會。全智賢喺戲中飾演生物科技專家，要帶領大家對抗失控嘅喪屍危機，仲要挑戰動作戲，雖然全智賢身手矯健，但為咗配合角色嘅設定，導演都有刻意調整動作嘅難度。
劇組啱啱去完康城影展，即刻返到韓國繼續新戲宣傳行程，講到參加康城影展嘅心情，全智賢就話可以以演員身份介紹自己嘅新作品，覺得非常感恩。
今次係全智賢相隔11年再回歸大銀幕，粉絲都好期待，導演刻意喺戲中加入大量全智賢嘅特寫鏡頭，絕對可以滿足粉絲們嘅期待，導演仲搞笑話，都係因為全智賢太靚喇！不過導演亦強調，呢啲特寫鏡頭係有存在嘅必要，因為全智賢係成套戲嘅靈魂人物，透過佢嘅特寫鏡頭，可以令到觀眾更加投入劇情。
