ENERGY阿弟以本名蕭景鴻出單曲 憑歌寄意盼放下執念得到重生

台灣男團ENERGY因為成員 坤達 同 書偉 捲入逃兵事件，導致團體活動全部暫停。團體中公認最唱得嘅主音阿弟，近日就以本名 蕭景鴻 推出個人單曲《以我為名》，似乎想借新歌抒發自己嘅情緒。阿弟話想借歌曲搵返原本嘅自己，做自己想做嘅音樂。

為咗傳達出歌曲嘅意境，MV拍攝都好認真，阿弟唔止要玩火，仲要瞓落積滿污水嘅泥濘當中，更要化受傷妝，原來背後嘅涵義係想表達打敗自己過去所有嘅執念，先可以得到重生。阿弟都希望可以透過呢首歌，帶俾正處於迷惘中嘅人向前嘅力量。