周柏豪 早前舉行粉絲見面會，臨時拉咗台下睇騷嘅 鄭融 一齊合唱經典歌《一事無成》，勾起唔少歌迷回憶殺。呢日兩位再次同台，聯同 連詩雅（Shiga）一齊喺鬧市舉行音樂會，而柏豪同Shiga就唱十幾年前嘅作品《日落日出》，炒熱全場氣氛。
三位歌手時隔逾８年再次同台演出，佢哋覺得機會難得，回想起好多昔日嘅青春回憶。柏豪同Shiga已各自為人父母，兼顧事業同家庭，兩人一樣冇放棄音樂，Shiga預告新歌就嚟面世，跟住會多啲出嚟見大家，公餘時間就親力親為照顧愛女Camila。
講到嚟緊三人各自出新歌，問到會唔會crossover或者夾埋開騷，鄭融就話柏豪最多計，交畀佢去諗。鄭融目前仍係單身，好享受自由身嘅生活，笑言等金牌媒人 林盛斌（Bob）介紹對象。
