張震嶽、周湯豪、韓國歌手鄭容和、蘇慧倫、告五人、白安等一眾歌手日前出席台灣一個音樂頒獎典禮。
鄭容和呢次同台灣歌手J.Sheon合作，聯手合唱容和所屬樂團CNBLUBE嘅經典歌《孤獨的人》，J.Sheon仲用韓文Rap，令全場尖叫。容和分享今次同J.Sheon合作感受，佢大讚對方靚仔，又形容二人默契好好。而呢次表演包括搖滾、抒情、OST元素，都係可以將「鄭容和」魅力散發出嚟。
張震嶽全晚捧走三個大奬，其中包括製作人奬。不過阿嶽喺事後表示，自己喺表演時卡痰，所以唔多滿意呢個表現。
周湯豪同樣收穫滿滿，成為最受歡迎男歌手得主。阿Nick分享得獎感受時就話，一直都覺得自己係類型音樂同主流音樂嘅橋樑，呢隻碟令更多人聽到自己嘅作品，真係好感動。
