周吉佩、李佳、顏米羔、趙浚承等多位TVB Music Group嘅多位歌手，現身一個同音樂平台合作嘅活動。一眾TMG歌手未來可以透過廣大音樂巿場，配合嶄新時代同粉絲無間互動。
吉吉同Gary相識於微時，二人喺2008年同期出道，喺一啲活動上早就同場過，仲有未公開過嘅合照，佢哋想拎返出嚟畀大家睇下，一齊講講以前嘅嘢。除咗分享生活點滴，作為唱歌老師嘅李佳就覺得可以試試喺呢個平台上分享唱歌心得、教大家唱歌。顏米羔就希望大家多多聽中聲歌手嘅歌，仲預告今年會努力出歌。
吉吉之前到廣州開騷反應熱烈，老婆同仔女有去支持。完成工作後，吉吉即刻重投好爸爸好老公崗位，同家人喺當地盡情食玩買享受家庭樂。吉吉就話自己買咗唔少潮牌，加埋加埋都有一喼。至於Gary近日同鍾鎮濤喺貴陽同台演出，佢覺得喺B哥哥身上學到唔少嘢，而且B哥哥仲帶隊食好嘢，令佢唔小心食肥咗。
