王菀之日前參與香港舞蹈團一個大型演出，呢次Ivana除咗擔任作曲，更會做特別演出，以類似神嘅姿態同舞者共舞。雖然只係做簡單嘅形體動作，但Ivana就話絕對唔可以睇小難度，淨係一個抬手動作已經好講學問，加上係同一眾神級舞者合作，所以自己想做得再好啲。
Ivana話呢個合作覺得感動同震撼，因為喺屋企自己對住鋼琴做，同喺現場見到大家用極致追求去做，係完全兩種感覺。
Ivana嘅好朋友張敬軒日前突然患上「急性內耳迷路炎」，Ivana就因為工作太忙而未有時間去探老友，但佢祝軒仔早日康復。Ivana呢次獲劉德華送上花藍祝賀演出成功，佢好感激華仔對藝術同喜愛創作嘅人，希望華仔會有時間嚟捧場。
