陳展鵬 與太太 單文柔 結婚 8 年，育有精靈可愛嘅「小豬比」 陳諾瑤 ，一家三口向來係圈中模範家庭。早前先親手為新居落手落腳DIY嘅煎Pan，又於社交平台公開同小豬比到海邊消暑嘅影片，可見紮住孖辮仔已7歲嘅囡囡手長腳長，玩直立板更平衡感十足，更非常自豪望向鏡頭。
小豬比早前先首度同爸爸「父女檔」亮相電視螢幕，一齊參與綜藝節目《AI 時代，未來實習生》。雖然小豬比年僅7歲，但面對鏡頭毫不怯場，仲喺節目圓夢挑戰做「幼稚園老師」，表現有板有眼。
不過最令大宿捧腹嘅係佢同爸爸嘅互動，當展鵬見囡囡教小朋友英文、滿臉欣慰話：「我覺得好感動」時，小豬比竟調皮做鬼臉、神回覆：「咁你喊吖！」 瞬間將視帝爸爸搞到哭笑不得。而節目組以AI生成20年後全家福時，探班嘅媽媽 單文柔 瞬間哭成淚人，小豬比見狀仲鬼馬帶攝影師「捕獲」喊包媽咪，場面既溫馨又治癒。
除咗家庭樂，已成功轉型為KOL嘅Phoebe，近日趁新一屆港姐競選起動，以師姐身份分享當年參選點滴。更直言參選最震撼同最感恩嘅事，就係認識生命中嘅另一半陳展鵬。雖然有人笛言嘲此舉有如釣金龜，不過Phoebe就以高EQ極鼓勵女士要勇敢做自己。
