詹天文（Windy）將於7月喺麥花臣場館迎來首個個人演唱會，設VIP門票粉絲福利包括睇綵排、1對1合照及現場簽名一個，定於6月9日開始優先購票，6月16日公開發售。Windy話今次演唱會有如一個獎勵，係好感恩嘅一件事。今次Windy首個個唱係佢成長嘅里程碑，更係無懼未知嘅新起點，面對宏大音樂課題，Windy滿懷躍躍欲試嘅興奮與熱忱。
Windy因大部份時間喺廣州上課，只好早起做運動，希望能鍛鍊出一副又靚又充滿力量嘅身材，Windy續言：「第一次開個人騒就好似經歷咗好多唔同嘅事後終於得到回報，自己一直以嚟都算努力，當然而家心情係好緊張同好興奮，希望屆時喺麥花臣現場睇到粉絲為佢嘅演出感到驕傲。」
Windy目前開始籌備今次個唱，安排排舞時間，想挑戰Hip Hop舞蹈，而舞台服飾亦想嘗試新風格，因為大家對佢之前嘅印象可能比較細路女，所以Windy希望趁住今次個唱，讓大家見到佢已經成長，同時想Keep Fit能夠練出一啲肌肉線條，屆時喺台上展示俾大家欣賞，脫離大家對佢嘅固有印象，展現更多變化。
