劉青雲 張衛健 及 容祖兒 原班人馬為動畫電影《反斗奇兵5》聲演當中嘅靈魂人物，呢日佢哋作客《一周星星》，同主持 王鎮泉 分享配音時嘅趣事。
myTV SUPER重溫《一周星星》精彩內容
Dicky話今次入到錄音室，見到支咪set到好高，好似平時錄歌咁，青雲一聽就知以往Dicky配音都係坐喺度配。青雲就話配音時，無論係為自己配返音，定係配其他角色，配音導演都好鍾意叫佢加入氣聲，但青雲就話自己好唔鍾意，仲話自己拍嘅時候都冇呢啲氣聲，唔明點解配音就要加返入去。
除咗講配音，佢哋仲分享咗自己生活上嘅小習慣，Dicky就話自己好enjoy揸車接送家人去買餸；而青雲就話平時工作以外，佢都唔會嗌外賣，仲話餐廳啲員工每次見到佢都會好大聲咁叫佢，搞到佢想保持神秘都唔得。
《一周星星》星期日晚 22:05 翡翠台
