香港戲劇界泰斗鍾景輝（King Sir）於6月3號喺睡夢中離世，King Sir對戲劇藝術嘅極致追求，培育不少後輩，發掘無數巨星，King Sir一生屢獲殊榮，由於佢為人彬彬有禮、和藹可親，深受行內人敬重。
King Sir喺50年代，香港未有正統戲劇訓練時，早已計劃出國留學，1959年負笈美國，成為耶魯大學當年唯一修讀戲劇系嘅中國人，後嚟喺美國攻讀戲劇碩士，為自己戲劇藝術事業奠下良好根基。King Sir於1967年投身TVB電視行業，注入多種不同元素及新景象，又向上級提議開辦訓練班，同時兼顧做幕前演出，勝任多個演藝崗位，大師級地位不容置疑。
