五月天瑪莎、范曉萱、告五人等音樂人齊聚一個音樂節記招，瑪莎呢次唔只做策展人，更會同告五人一齊喺音樂節演出！瑪莎過去同告五人都只係喺五月天演唱會合作，告五人更曾經喺演唱會過場片段客串，同瑪莎組成「靠五人」。
瑪莎就話，呢次終於真正機會同告五人合作，令佢好開心。不過四位被問到時會帶點樣嘅驚喜俾觀眾時，佢哋就未傾好。雲安笑言，不如將主唱之位交俾瑪莎，瑪莎就話可以教主唱犬青彈Bass。不過告五人真係想瑪莎開金口唱歌，令瑪莎表示一額汗，自己好努力同告五人角力中。
作為共同策展人及表演歌手嘅仲有范曉萱，佢大讚音樂節演出班底強勁，但係呢次音樂節係屬於各位音樂人同來自世界各地嘅觀眾，並唔係佢個人主場，所以唔會好似之前開騷咁留一個位置紀念好友大S。對於大家期待小S有冇可能突然上台派驚喜，范曉萱就話自己有好多朋友知道有呢個盛會後，表示好想參加，但自己冇打算搵小S。
