日本人氣天團 嵐 完成咗5月31號嘅最後一場演唱會之後，團體正式解散走入歷史，成員之後將會繼續以個人身分發展。 二宮和也 呢日現身佢主持嘅遊戲節目記招，就有同大家分享嵐嘅最後巡演，佢話因為已經有5、6年冇進行咁高強度嘅演唱會，有時去到其他城市表演完，仲要即日趕返東京，因為第二朝仲要開工，所以體力幾乎透支，但見到咁多粉絲嘅支持，就覺得開心又感動。
講返呢個生存遊戲節目，新一屆季嘅參賽者有人氣男星佐藤健，二宮大讚對方係遊戲強者，連眼神都好有氣勢，完全唔似拍綜藝節目，反而似拍電影揸住把劍準備決鬥，完全展現出志在必得嘅決心。
