金秀賢停工一年多 將於7月復工拍廣告

韓國男星 金秀賢 去年被網台力指要為已故女星 金賽綸 嘅輕生負責，成為全民討伐對像。當時YouTube頻道《橫豎研究所》負責人 金世義 指金秀賢與女方未成年交往，消息傳出後令金秀賢事業大受打擊，多個品牌代言都向佢索償，金額高達逾100億韓元。

不過早前金世義被指涉以AI造假報道中嘅「證據」而被拘押後， 金秀賢 嘅事業似乎迎來轉機，呢日再傳出佢7月將到菲律賓為服裝品牌拍攝廣告，消息亦得到其經理人公司GOLDMEDALIST證實，並指金秀賢與該服裝品牌曾於2024年合作，佢亦會於7月14日參與菲律賓服飾品牌嘅廣告拍攝。今次亦係金秀賢自去年3月底舉行記者會後，首個公開行程。