下月就係香港回歸29周年，當日沙田馬場將舉行「香港共慶回歸賽馬日」，當日沙田同跑馬地馬場公眾席將免費供市民同旅客入場參與同歡。開幕儀式仲邀請到男高音 張英席 獻唱國歌而《中年好聲音》實力唱將 譚輝智 亦會擔任開幕表演嘉賓， 顏志恒 同 龍婷 亦將會為入場馬迷演出。
著名男高音 張英席 將於當日，由警察樂隊伴奏下，以雄渾激昂嘅歌聲獻唱國歌，與全場一同歡慶回歸29周年。 譚輝智 就會以開幕表演嘉賓身份接力登場，於馬匹亮相圈為馬迷帶來充滿活力嘅演出。輝智仲指每次於馬場演出都感受到觀眾嘅熱情，又話喺馬場演出嘅互動感獨一無二。
而《中年好聲音》另兩位人氣唱將 顏志恒 同 龍婷亦將分別於公眾席舞台獻唱多首街知巷聞金曲，Benson笑言馬場係充滿動力嘅地方，而將首度踏足沙田馬場舞台嘅龍婷就話：「以前喺電視睇到馬場熱鬧場面，期待親身感受呢種震撼氣氛。」
